ജനുവരി 15: സാന്ത്വന പരിചരണ പ്രവര്ത്തനങ്ങളില് പങ്കാളികളാവുക
കണ്ണൂർ : ജനുവരി 15-നു പാലിയേറ്റീവ് ദിനത്തിന്റെ ഭാഗമായി ഐ ആർ പി സി നടത്തുന്ന സാന്ത്വന പരിചരണ പ്രവർത്തനത്തിൽ മുഴുവൻ പാർടി പ്രവർത്തകരും റെഡ് വളണ്ടിയർമാരും പങ്കാളികളാവണമെന്ന് സി പി ഐ (എം) ജില്ലാ സെക്രട്ടറി പി ജയരാജൻ അഭ്യർത്ഥിച്ചു.
അന്നേ ദിവസം പാർടി നേതാക്കൾ വിവിധ കേന്ദ്രങ്ങളിൽ കിടപ്പിലായ മുഴുവൻ രോഗികളെയും സന്ദർശിച്ച് ഹോം കെയർ സേവനത്തിൽ പങ്കാളികളാവും. ജില്ലാ സെക്രട്ടറി പി ജയരാജൻ കൂത്തുപറമ്പ മുൻസിപ്പാലിറ്റിയിലും കെ പി സഹദേവൻ കണ്ണൂർ ടൗൺ ഈസ്റ്റിലും എം വി ജയരാജൻ പുഴാതിയിലും ജയിംസ് മാത്യു എം എൽ എ മൊറാഴയിലും ടി കൃഷ്ണൻ - തില്ലങ്കേരി, കെ കെ രാഗേഷ് - കാഞ്ഞിരോട്, ടി വി രാജേഷ് - ചെറുതാഴം, കെ എം ജോസഫ് - നടുവിൽ, സി കൃഷ്ണൻ - വെള്ളൂർ, കെ കെ നാരായണൻ - പെരളശ്ശേരി, ഒ വി നാരായണൻ - ഏഴോം, എം പ്രകാശൻ മാസ്റ്റർ - അഴീക്കോട്, എം സുരേന്ദ്രൻ - പാട്യം, വി നാരായണൻ - വെള്ളൂർ, വത്സൻ പനോളി - കൂത്തുപറമ്പ, എൻ ചന്ദ്രൻ - മാവിലായി എന്നിവിടങ്ങളിൽ ഈ പ്രവർത്തനങ്ങൾക്ക് നേതൃത്വം നൽകും. ജില്ലാ കമ്മിറ്റി അംഗങ്ങൾ അവരവർ താമസിക്കുന്ന പ്രദേശത്ത് ഹോം കെയർ പ്രവർത്തനത്തിൽ പങ്കാളികളാവും.